رساله فى بداية العام الجديد ( مضيعش وقت فى قرائة ميكى ) كنت كتبت بالامس عن الشكر .. وجاتنى هذه الرساله انقلها اليكم لعلها تحفر فى نفوسكم ما تاثرت به انا شخصياً .. ايرينى طفله عمرها 11 سنه ببساطه لما ربنا لقاها انجزت اللى ما عملهوش غيرها حتى شيبتهم قالها السنه الماضيه تعالى عندى .. قابلت والد ايرينى بالامس وبتربطنى به واسرته محبه وعشره قديمه خالص اطلعنى على وريقة من مذكراتها فاستسمحته ان اصورها وانقلها للمنفعة .. مرفق الورقه بخط اليد وناخد منها دروس : + هدفى ان اروح الابدية والملكوت . + احتمل المسئولية بحب. + احب اخى واتعامل معه بحب. + اشكر على كل شىء . + كل شىء اول باول . + مضيعش وقت فى قرائة ميكى !!!!!!!!!!!!!!! 2015 !!!!!!!!!!!!!!! + اضبط نفسى فى اعمالى . يا رب كم ضيعنا من وقت حياتنا فى كذا وكذا .. امور كلها عديمة النفع .. ضع يا رب فينا ضمير هذه الطفلة المتيقظ .. ضع فينا الاخلاص نحو هدف الابديه .. نتحمل بالامانة مسئولية اننا اولادك وعلينا ان نشهد لك .. نعمل بالحب فهو ما يعبر عن مسيحيتنا دون كلام .. نقتنى عمرنا ونتيقظ لوقتنا فان الايام شريرة .. واخيرا يا رب اعمالنا هى ما تظهر صورتك فينا .. اعتذر عما تحملة رسالتى فى طياتها من شجن ولكن اقصد الفرح والدرس منها للمنفعة مع بداية عام جديد 2015 .. فكر نفسك كل يوم ( مضيعش وقت فى قرائة ميكى ) القس اثناسيوس يوسف